نداء من مصري لمعرفة مصير أخيه الذي يشاع أنه غرق أو مسجون بالمغرب

casett
الكلدولي
casett28 ديسمبر 2021آخر تحديث : الثلاثاء 28 ديسمبر 2021 - 8:08 مساءً
نداء من مصري لمعرفة مصير أخيه الذي يشاع أنه غرق أو مسجون بالمغرب

الإخوة و الأخوات، الزملاء الكرام الزميلات الكريمات السلام عليكم ورحمة الله تعالى وبركاته.
هذا طلب من صديق صحافي بجريدة الأهرام المصرية و لمن مد يد المساعدة جزيل الشكر
و عظيم الأجر …

الموضوع :بحث عن متغيب
محمد يوسف الفقي

سافر من مطار القاهرة الي الإمارات، ومن الإمارات إلي موريطانيا ثم إلى الجزائر ومن الجزائر دخل المغرب عن طريق الجبال قعد في المغرب من ٢٠١٩/١٢/٣٠ إلى ٢٠٢٠ /٤ /١٣ وكان بيتواصل معانا هو كان قاعد في الناظور في عماره المصريين الدور السابع امامه كافيه نور على نور ومشاء الله عليه اتعرف على مغاربه كتير والناس كانت بتحبه فجأه وبدون أي مقدمات نزل خبر على الفيس بوك محمد غرق وصورته وهو على سجاده الصلاه، البوست ده اترفع من الساعه ٣ او ٤ العصر في المغرب وكل الناس شافته الا أهله احنا عرفنا بعد البلد كلها لما عرفت وعرفنا بعد صلاه العشاء حاولنا نتواصل مع الشخص اللي قال ان محمد نزل الميه وغرق اسمه احمد كرسبو حامول، وهو دلوقتي في مليله الاسبانيه بقاله سنتين ولسه ماعداش قال ان هو ومحمد كانو هيعدو بحر بس محمد غرق، وبعدين قال تليفونه وجوازه معايا وقعد ساعتين يستنى محمد علي الشط ولما مخرجش رمي الجواز في صندوق الزباله على الشط، واخد تليفونه وبعدين طلع اشاعه إن محمد جثته طلعت ثالت يوم وادفنت دفنه اسلاميه، مع العلم ان هو أول لما دخل الستي وضعوه في الحجر الصحي يعني ما شافش جثث ولا بلغ عن اخي واحنا في ناس ولاد حلال كلمو الصليب الأحمر من اول يوم، أفاد انه لم توجد أي جثث لاخويا ولا غيره في التوقيت ده وده كان نفس رد السفاره المصريه والاسبانيه، فده شي مؤكد خلاف احساسنا كاهله ان هو أن شاء الله حي وبعد حوالي ٤ شهور من الحزن جد الأمل في الله لما شخص في المغرب كلم اخويا الكبير قاله اخوك محمد الوحيد اللي اختفى في المغرب في الناظور وهو مسجون في سجن كزا بلانكا مع سوريين وافارقه وهو المصري الوحيد اللي معاهم، واتبعتلي فلوس وانا هسال وربنا رزقنا بأشخاص اولاد حلال، أكدو ان محمد هو اللي في السجن ده بس متهم في ايه مش عارفين نوصل لحاجة ومن حوالي ٣ شهور اخت مغربيه قالت إن محمد في سجن القنيطرة أقسمت بالله العلي العظيم ان محمد يوسف الفقي هو اللي في السجن ده، وهيترحل لسجن العريجات احنا نفسنا نطمن ونسمع اي كلمه طيبه عنه والله احنا راضيين بقضاء الله وقدره والحياه هبه من عند الله والموت رحمة، بس ابوه وأمه يرتاحو والله العظيم بيموتو كل لحظه كل حد يتواصل معي يقول هو وبتخلي عننا وميردش علينا تاني احنا مش عاوزين ناذي حد احنا عاوزين نعرف بس هو عايش ولا ربنا اخد امنته، وقل لن يصيبنا إلا ما كتب الله لنا.

ارجو المساعده لله ثم لله لأجل ابويا وامي وجزا الله كل من ساهم في عمل الخير لهذين الأبوين المحروق قلوبهم خير الجزاء…

والسلام عليكم ورحمة الله وبركاته

رابط مختصر

اترك تعليق

لن يتم نشر عنوان بريدك الإلكتروني.


شروط التعليق :

عدم الإساءة للكاتب أو للأشخاص أو للمقدسات أو مهاجمة الأديان أو الذات الالهية. والابتعاد عن التحريض الطائفي والعنصري والشتائم.